IPL 2025 : ઈન્ડિયન પ્રીમિયર લીગ 2025ની( IPL 2025 ) 22મી મેચ આજે પંજાબ કિંગ્સ (PBKS) અને ચેન્નઈ સુપર કિંગ્સ (CSK) વચ્ચે મહારાજા યાદવેન્દ્ર સિંહ ઈન્ટરનેશનલ સ્ટેડિયમ, મુલ્લાનપુર ખાતે સાંજે 7:30 વાગ્યે રમાવાની છે. બંને ટીમ માટે આ મુકાબલો ખૂબ મહત્વપૂર્ણ છે, ખાસ કરીને ચેન્નઈ ( chennai ) માટે, જેણે સતત ત્રણ મેચમાં હારનો સામનો કર્યો છે અને હવે પ્લેઓફની ( play off ) રેસમાં ટકી રહેવા માટે જીત જરૂરી બની છે.
https://dailynewsstock.in/cricket-ipl-2025-player-saidarshan/

ચેન્નઈ સુપર કિંગ્સનો સંઘર્ષભર્યો સફર
IPL 2025 : આઈપીએલ 2025માં ચેન્નઈ સુપર કિંગ્સનું પ્રદર્શન અપેક્ષા મુજબ રહ્યું નથી. અત્યાર સુધી રમાયેલી ચાર મેચોમાંથી ટીમ ફક્ત એક જ મેચ જીતી શકી છે. નવી કેપ્ટનશિપ હેઠળ ઋતુરાજ ગાયકવાડ ટીમને સંભાળી રહ્યા છે, પણ સતત હારથી ચાહકોમાં નિરાશા જોવા મળી રહી છે. અગાઉની સીઝનમાં મજબૂત દેખાવ કર્યા પછી, આ સીઝનમાં ટીમને પોતાનો સરખો કમ્બિનેશન મળતો નહિં જણાઈ રહ્યો.
IPL 2025 : ઈન્ડિયન પ્રીમિયર લીગ 2025ની( IPL 2025 ) 22મી મેચ આજે પંજાબ કિંગ્સ (PBKS) અને ચેન્નઈ સુપર કિંગ્સ (CSK) વચ્ચે મહારાજા યાદવેન્દ્ર સિંહ ઈન્ટરનેશનલ સ્ટેડિયમ, મુલ્લાનપુર ખાતે સાંજે 7:30 વાગ્યે રમાવાની છે.
ઋતુરાજ ગાયકવાડે 4 મેચમાં 121 રન બનાવીને ટૉપ સ્કોરર હોવાનો દરજ્જો મેળવ્યો છે. રાજસ્થાન રોયલ્સ સામે તેની 63 રનની ઈનિંગ પ્રસંશનીય રહી હતી. તેની સાથે, ન્યુઝીલેન્ડના બેટ્સમેન રચિન રવીન્દ્રે પણ 109 રન બનાવ્યા છે. પરંતુ બેટિંગમાં મિડલ ઓર્ડર સતત બેકફૂટ પર રહ્યો છે, જેના લીધે ટીમ મોટા સ્કોર ઊભો કરી શકતી નથી.
IPL 2025 : CSKની બોલિંગ લાઈન અપમાં નૂર અહેમદ અને ખલીલ અહેમદ ખાસ ઊભા રહી છે. નૂર અહેમદે અત્યાર સુધી 4 મેચમાં 10 વિકેટ ઝડપી છે, જેમાંથી મુંબઈ સામે તેની 4 વિકેટ યાદગાર રહી હતી. ખલીલ અહેમદે પણ 3 મેચમાં 8 વિકેટ મેળવી છે. તેમ છતાં, અન્ય બોલરોનો ફોર્મ ઉતાર-ચઢાવભર્યો રહ્યો છે.
પંજાબ કિંગ્સ – આત્મવિશ્વાસથી ભરેલી યુવા ટુકડી
IPL 2025 : શ્રેયસ અય્યરના નેતૃત્વમાં પંજાબ કિંગ્સનું પ્રદર્શન પોઝિટિવ રહ્યું છે. ત્રણમાંથી બે મેચ જીતીને પંજાબ પોતાની આગવી લયમાં જોવા મળી રહી છે. કેપ્ટન શ્રેયસ અય્યરે 159 રન બનાવીને ટીમ માટે સ્ટાર બેટ્સમેન સાબિત થયા છે. ખાસ કરીને ગુજરાત ટાઇટન્સ સામેની તેની 97 રનની ઈનિંગે ટી20 ક્રિકેટમાં આગ લગાડી હતી.
IPL 2025 : મધ્યક્રમમાં નેહલ વાઢેરાએ પણ ખુબજ અસરકારક રન બનાવ્યા છે. તેણે માત્ર 2 મેચમાં જ 105 રન બનાવ્યા છે, જેમાં છેલ્લી મેચમાં રાજસ્થાન સામે 62 રનની અડધી સદી નોંધાવી છે. પંજાબનો મિડલ ઓર્ડર ચમકતો જોવા મળ્યો છે, અને મેચ ફિનિશિંગ પણ મજબૂત રહી છે.બોલિંગમાં અર્શદીપ સિંહ 6 વિકેટ સાથે ટૉપ વિકેટ ટેકર છે. તેની સપોર્ટમાં યુઝવેન્દ્ર ચહલ અને માર્કો યાન્સેન જેવા બોલર્સ છે, જેઓ પાવરપ્લે અને ડેથ ઓવરમાં ઇમ્પેક્ટ પેદા કરી શકે છે.
હેડ ટુ હેડમાં ચેન્નઈ આગળ, પરંતુ પિચ પંજાબ માટે લાભદાયક?
આજની મેચ પહેલાં હેડ ટુ હેડ રેકોર્ડ પર નજર કરીએ તો ચેન્નઈ 30 મુકાબલાઓમાંથી 16 જીતી છે જ્યારે પંજાબે 14 જીત મેળવી છે. તદ્દન સ્પષ્ટ છે કે બંને ટીમ વચ્ચેનો આ ઈતિહાસ તીખો રહ્યો છે. જોકે આ મુલ્લાનપુરમાં પહેલી વખત આ બંને ટીમ અથડાવશે, તેથી પિચની શરતો પણ નક્કી કરશે કે કોને વધુ ફાયદો મળે છે.મહારાજા યાદવેન્દ્ર સિંહ સ્ટેડિયમની પિચ બેટ્સમેન માટે વધુ અનુકૂળ રહી છે. અહીં હાઈ-સ્કોરિંગ મેચની શક્યતાઓ વધુ હોય છે. અત્યાર સુધી અહીં IPLની 6 મેચ રમાઈ છે અને 3 વખત પ્રથમ બેટિંગ કરનાર અને 3 વખત ચેઝ કરનાર ટીમે જીત હાંસલ કરી છે.
IPL 2025 : આજના દિવસે મુલ્લાનપુરમાં તાપમાન 41 ડિગ્રી સુધી પહોંચી શકે છે. હવામાન ખૂબ ગરમ રહેશે અને વરસાદની કોઈ શક્યતા નથી. પવનની ગતિ પણ 13 કિમી પ્રતિ કલાક હશે, જેથી બોલ પર કંઈકસું હલનચલન થઈ શકે છે. હવામાનની આ પરિસ્થિતિ ખેલાડીઓની સ્ટેમિના અને પર્ફોર્મન્સ પર અસર કરી શકે છે, ખાસ કરીને ફીલ્ડિંગ દરમ્યાન.
https://youtube.com/shorts/4qpwgGXpEDg

સંભવિત પ્લેઇંગ-12 (ઇમ્પેક્ટ પ્લેયર સહિત)
ચેન્નઈ સુપર કિંગ્સ (CSK):
ઋતુરાજ ગાયકવાડ (કેપ્ટન), રચિન રવીન્દ્ર, ડેવોન કોનવે, વિજય શંકર, શિવમ દુબે, રવીન્દ્ર જાડેજા, એમએસ ધોની (વિકેટકીપર), રવિચંદ્રન અશ્વિન, નૂર અહેમદ, મુકેશ ચૌધરી, ખલીલ અહેમદ, મથિશ પાથિરાના
પંજાબ કિંગ્સ (PBKS):
શ્રેયસ અય્યર (કેપ્ટન), પ્રિયાંશ આર્ય, પ્રભસિમરન સિંહ (વિકેટકીપર), નેહલ વાઢેરા, શશાંક સિંહ, માર્કસ સ્ટોઇનિસ, ગ્લેન મેક્સવેલ, સૂર્યાંશ શેડગે, માર્કો યાન્સેન, લોકી ફર્ગ્યુસન, અર્શદીપ સિંહ, યુઝવેન્દ્ર ચહલ
જીતે એ જ ટકે – CSK માટે ‘ડૂ ઓર ડાઈ’ અને PBKS માટે ‘પોઝિશન મજબૂત’ કરવાની તક
ચેન્નઈ સુપર કિંગ્સ માટે આ મેચ “ડૂ ઓર ડાઈ” છે. સતત હાર પછી ટીમને હવે પોતાના અનુભવી ખેલાડીઓ પરથી વધુ આશા છે. ધોની અને જાડેજા જેવા સ્ટાર ખેલાડીઓનો ફોર્મમાં પરત ફરવો ટૂર્નામેન્ટ માટે ખૂબ મહત્વનો છે. બીજી તરફ પંજાબ પોતાની મજબૂત બેટિંગ અને નિયંત્રિત બોલિંગ સાથે પોતાનું સ્થાન ટોચના ચાર માટે મજબૂત કરવા ઇચ્છે છે.જણાવવું પડે કે IPL જેવી ટૂર્નામેન્ટમાં એક જ મેચ આખા સીજનના મૂડને બદલાવી શકે છે. આજે સાંજે ચેન્નઈ ફરી તાકાત બતાવે છે કે પંજાબનો યુવા જુસ્સો તેમને છાંયમાં રાખે છે, એ જોવું રસપ્રદ રહેશે.