gujarat : ઓડિશાના ( odisa ) દરિયાકાંઠાના વિસ્તારો ઉપર એક ડિપ્રેશન સર્જાયું હતું જે પશ્ચિમ અને ઉત્તર પશ્ચિમ દિશા તરફ ગતિ કરતા ગુજરાત ( gujarat ) નજીક પહોંચ્યું છે. જેને કારણે હવામાન વિભાગ ( weather department ) દ્વારા ગુજરાત રાજ્યના કેટલાક વિસ્તારમાં ઓરેન્જ તો ક્યાંક યલો એલર્ટ ( yellow alert ) જાહેર કરવામાં આવ્યું છે. તેવામાં આજે દક્ષિણ ગુજરાતના જિલ્લાઓમાં ઓરેન્જ તો પૂર્વ મધ્ય અને સૌરાષ્ટ્રના કેટલાક જિલ્લાઓમાં ભારે વરસાદ ( heavy rain ) ની આગાહી સાથે યલો એલર્ટ જાહેર કરવામાં આવ્યું છે. જો કે, વહેલી સવારની આગાહી અનુસાર રાજ્યના કેટલાક જિલ્લામાં ગાજવીજ સાથે હળવાથી મધ્યમ વરસાદ ( rain ) વરસી શકે છે. જ્યારે દક્ષિણ ગુજરાતના જિલ્લાઓમાં મધ્યમથી ભારે વરસાદની સંભાવના છે.
https://www.facebook.com/DNSWebch/
https://dailynewsstock.in/2024/09/01/gujarat-loan-flower-vendor-murder-arrest-police/
હવામાન વિભાગ દ્વારા વહેલી સવારની આગાહી અનુસાર રાજ્યના કેટલાક ભાગમાં ગાજવીજ સાથે મધ્યમથી ભારે વરસાદની શક્યતા છે. ઉપરાંત 40 કિમી પ્રતિ કલાકની ઝડપે પવન પણ ફૂંકાઇ શકે છે. જેમાં બનાસકાંઠા, સાબરકાંઠા, અરવલ્લી, મહીસાગર, પંચમહાલ, દાહોદ, વડોદરા, છોટાઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, દમણ અને દાદરા નગર હવેલીમાં આજે મધ્યમથી ભારે વરસાદની શક્યતા છે. જ્યારે રાજ્યના અન્ય કેટલાક જિલ્લાઓમાં ગાજવીજ સાથે હળવાથી મધ્યમ વરસાદની શક્યતા છે. આ સાથે જ અમદાવાદ, ગાંધીનગર, પાટણ, મહેસાણા, ખેડા, આણંદ, સુરેન્દ્રનગર, બોટાદ, અમરેલી અને ભાવનગરમાં વરસાદી માહોલ સાથે હળવો વરસાદ થઈ શકે છે.
gujarat : ઓડિશાના દરિયાકાંઠાના વિસ્તારો ઉપર એક ડિપ્રેશન સર્જાયું હતું જે પશ્ચિમ અને ઉત્તર પશ્ચિમ દિશા તરફ ગતિ કરતા ગુજરાત નજીક પહોંચ્યું છે.
ઉલ્લેખનીય છે કે, હવામાન વિભાગ દ્વારા અમદાવાદ શહેરમાં હળવાથી મધ્યમ વરસાદની આગાહી કરવામાં આવી છે. જેના પગલે વહેલી સવારથી જ અમદાવાદ શહેરમાં વાદળછાયું વાતાવરણ રહેવાની સાથે વિવિધ વિસ્તારમાં ઝરમર વરસાદ વરસી રહ્યો છે. મહત્ત્વનું છે કે, ગતરોજ અમદાવાદ શહેરમાં ફરી એક વખત તાપમાનનો પારો ઊંચકાતા શહેરીજનો શેકાયા હતા. ગતરોજ અમદાવાદ શહેરનું મહત્તમ તાપમાન 34.5 ડિગ્રી સેલ્સિયસ નોંધાયું હતું. જે સામાન્ય કરતાં 1.9 ડિગ્રી સેલ્સિયસ વધુ હતું. જ્યારે આજે સવારથી જ વાદળછાયા વાતાવરણ વચ્ચે ઝરમર વરસાદની શરૂઆત થતાં શહેરના મહત્તમ તાપમાનમાં ઘટાડો થાય તેવી શક્યતા છે. પરંતુ બપોર બાદ જો વરસાદ બંધ થઈ જાય તો બફરાનો અનુભવ કરવા અમદાવાદીઓએ તૈયાર રહેવું પડશે.
સપ્ટેમ્બરમાં 10 દિવસ વરસાદ પડી શકે છે, સરેરાશ 5 ઈંચથી વધુ હશે
હવામાન વિભાગના વૈજ્ઞાનિક રામાશ્રય યાદવના જણાવ્યા મુજબ, સામાન્ય રીતે સપ્ટેમ્બર મહિનામાં 4.9 ઈંચ વરસાદ પડતો હોય છે. પરંતુ, હાલમાં સક્રિય લો-પ્રેશરની સિસ્ટમની અસરથી અમદાવાદમાં સપ્ટેમ્બરના 10 દિવસ દરમિયાન સરેરાશ કરતાં વધુ વરસાદ પડી શકે છે. તેમજ દર વર્ષ કરતાં આ વખતે ભાદરવાની ગરમી એકથી બે ડિગ્રી ઓછી રહે તેવી શક્યતા છે. સપ્ટેમ્બરમાં શહેરમાં છૂટાછવાયાં વરસાદી ઝાપટાંથી લઇને હળવોથી ભારે વરસાદ પડી શકે છે. જેમાં ખાસ કરીને 3 થી 9 તારીખ સુધી હળવાથી મધ્યમ તેમજ એકાદ દિવસ ભારે વરસાદ પડી શકે છે. તેમજ સપ્ટેમ્બર મહિના દરમિયાન અમદાવાદમાં 10 દિવસથી વધુ વરસાદ પડવાની શક્યતા છે.
સપ્ટેમ્બરમાં અમદાવાદમાં ગરમીનો પારો શરૂના 15 દિવસો દરમિયાન 32 ડિગ્રીની આસપાસ તેમજ 15 સપ્ટેમ્બરથી મહિનાના અંત સુધી ગરમીનો પારો વધીને 34 ડિગ્રી સુધી પહોંચી જતો હોવાથી કાળઝાળ ગરમી પડે છે. પરંતુ, આ વર્ષે વરસાદનું જોર યથાવત્ રહેતાં સપ્ટેમ્બરમાં ગરમીનો પારો સામાન્યથી 1 થી 2 ડિગ્રી ઓછો રહી શકે છે.
