everest : લદાખનો યુવાન પદ્મા બન્યો એવરેસ્ટ સર કરનાર સૌથી યુવા પર્વતારોહક ( Mountaineer )લદાખના નુબ્રા ખીણના સુમુર ગામના 21 વર્ષીય યુવાન પદ્મા નામગેલે માઉન્ટ એવરેસ્ટ ( everest )સર કરીને ઇતિહાસ રચ્યો છે. માત્ર 21 વર્ષની ઉંમરે, પદ્મા એવરેસ્ટને ચડીને લદાખનો સૌથી યુવાન એવરેસ્ટ વિજેતા પુરુષ પર્વતારોહક બન્યો છે. તેમના આ નોંધપાત્ર સિદ્ધિ પાછળ NCC (National Cadet Corps ) દ્વારા આપવામાં આવેલી તક, કઠોર પ્રશિક્ષણ અને પરિવારનો અખંડ સહયોગ રહેલો છે.
પદ્મા નામગેલે પ્રાથમિક શિક્ષણ નુબ્રા ખીણની લામડોન સ્કૂલમાંથી મેળવ્યું અને ત્યારબાદ સરકારી ઉચ્ચતર માધ્યમિક શાળામાં અભ્યાસ ચાલુ રાખ્યો. હાલમાં તે ચંદીગઢ સ્થિત ડીએવી કોલેજમાં કમ્પ્યુટર સાયન્સમાં B.Sc. નો અભ્યાસ કરી રહ્યો છે. શિક્ષણની સાથે NCCના અનુભવોએ તેમનું જીવન બદલી નાંખ્યું.
https://dailynewsstock.in/2025/04/03/vastu-positive-negetive-energy-temple/
everest : 2024ના ઓગસ્ટમાં જ્યારે પદ્મા પોતાનું શૈક્ષણિક વર્ષ પૂરૂ કરીને ઘરે જવાની તૈયારી કરી રહ્યો હતો, ત્યારે તેને NCC યુનિટ તરફથી ફોન આવ્યો કે જેમાં પર્વતારોહણ અભિયાન માટે પસંદગી પ્રક્રિયા અંગે વાત કરવામાં આવી. શરૂઆતમાં પદ્માએ આ તકને ના પાડી, પણ તેમના અધિકારીએ વ્યક્તિગત રીતે મળીને તેમને સમજાવ્યા કે માઉન્ટ એવરેસ્ટ જેવા અભિયાનમાં ભાગ લેવો એ જીવન બદલાવનારો અવસર છે. આ વાત તેમને પ્રેરણા આપી અને તેઓ તરત જ રાજી થઈ ગયા.
everest : લદાખનો યુવાન પદ્મા બન્યો એવરેસ્ટ સર કરનાર સૌથી યુવા પર્વતારોહકલદાખના નુબ્રા ખીણના સુમુર ગામના 21 વર્ષીય યુવાન પદ્મા નામગેલે માઉન્ટ એવરેસ્ટ સર કરીને ઇતિહાસ રચ્યો છે.
પદ્માએ જણાવ્યુ કે એવરેસ્ટ અભિયાન માટે પસંદગી પ્રક્રિયા અત્યંત કઠણ અને પડકારજનક હતી. સમગ્ર દેશમાં આવેલ NCCના 17 ડિરેક્ટોરેટમાંથી અનેક ઉમેદવારોની વચ્ચે તેમને પસંદ થવું સરળ કામ નહોતું. દિલ્હી ખાતે શારીરિક ક્ષમતા, દોડ, વજન સાથે ચાલવાની ક્ષમતા, તેમજ માનસિક ચકાસણીઓના રાઉન્ડ થયા. ત્યારબાદ ઉત્તરકાશી ખાતે માઉન્ટ અબી ગામીન પર્વત ઉપર અભ્યાસ કર્યો. અહીં તેમના પરફોર્મન્સ, શક્તિ અને ઊંચાઈમાં અનુકૂળ થવાની ક્ષમતાનું મૂલ્યાંકન કરવામાં આવ્યું.
everest : ડિસેમ્બર 2024થી જાન્યુઆરી 2025 દરમિયાન સિયાચીનમાં પદ્માએ શિયાળુ તાલીમ લીધી. અહીંના બરફથી ભરેલા, જીવલેણ ઠંડીભર્યા વાતાવરણમાં ચાલવું, બરફની દિવાલો સર કરવી અને હિમનદી પર કૂચ કરવી જેવી તાલીમે તેમને શારીરિક અને માનસિક રીતે ગજબની તૈયારી આપી.
પદ્માના જણાવ્યા અનુસાર, તેના પરિવારનો સહયોગ તેના માટે અમૂલ્ય સાબિત થયો. તેમનો પરિવાર ખુબ જ સહાયક રહ્યો અને કહ્યું કે જો એવરેસ્ટ અભિયાન માટે દિલથી ઈચ્છા હોય, તો અભ્યાસ પછી પણ થઈ શકે છે. પરિવારના આ આશીર્વાદે તેમને ઉર્જા આપી.
everest : લદાખના દુર્ગમ પહાડી વિસ્તારમાંથી આવનારા પદ્માને શરૂઆતથી જ ઊંચી જમિનો પર ચાલવાની અને કઠણ વાતાવરણમાં જીવન જીવવાની ટેવ હતી. આ શક્તિએ તેમનો સાથ આપ્યો અને એવરેસ્ટ સર કરવા માટે તેમને અન્ય સ્પર્ધકો કરતા વધારે તૈયાર બનાવી દીધા.
પદ્માએ જણાવ્યું કે 17 મે 2025ના રોજ સાંજે 7 વાગ્યે તેમણે ગાઈડ થુનાંગ ભૂટિયાના સાથ સાથે ચઢાણ શરૂ કર્યું હતું. અડધી રાત બાદ, 18 મેના રોજ સવારે 4 વાગે તેઓ વિશ્વની સૌથી ઊંચી શિખર પર પહોંચી ગયા. એ ક્ષણમાં તેમનો થાક છૂમંતર થઇ ગયો હતો. શિખર પર પહોચી જોઈતી ખુશી અને ગૌરવની લાગણી વર્ણન કરવા લાયક નહોતી.
હાલાં, નીચે ઉતરતી વખતે તેમને કેટલીક મુશ્કેલીઓનો સામનો કરવો પડ્યો, પણ તેમના દૃઢ મનોબળ અને માર્ગદર્શક ભૂટિયાની મદદથી તે પણ પાર થઈ ગયું. પદ્માએ પોતાના અભિયાન દરમિયાન ભૂટિયાની ભૂમિકા માટે તેની ખુબ જ પ્રશંસા પણ કરી.
everest : પદ્માએ NCCની સરાહના કરતા જણાવ્યું કે NCC યુવાનો માટે અજોડ તક આપે છે, જેમાં નાની ઉંમરે જ જીવન માટે મહાન અનુભવ મેળવવાની તક મળે છે. તેમણે કહ્યું કે લદાખના ઘણા યુવાનો NCCની તકોનો પૂરતો લાભ નથી લેતા. NCCના માધ્યમથી તેમણે માત્ર માઉન્ટ એવરેસ્ટ જ નહીં પણ પહેલાં માઉન્ટ અબી ગામીન અને લોબુચે પીક પણ સર કર્યાં હતાં.
https://youtube.com/shorts/_Wf4Z6180B8
પદ્મા હવે લદાખના અન્ય ઊંચા પર્વતોનું અન્વેષણ કરવા માંગે છે અને NCC અથવા અન્ય માધ્યમોથી યુવા પર્વતારોહકોને તાલીમ આપવા ઈચ્છે છે. પદ્માના મતે, પર્વતારોહણ માત્ર દેહના બળની રમત નથી, પરંતુ તે માનસિક દૃઢતા, ધૈર્ય અને સંયમનો અભ્યાસ છે.
everest : તેમણે દેશના યુવાનોને NCC જોડાવાની અપીલ કરતા કહ્યું કે, “જ્યાં તમારું હ્રદય બોલાવે છે ત્યાં જાઓ. NCC કેવો માર્ગ બતાવે છે તે તમારી અંદર છુપાયેલ શક્તિઓને બહાર લાવે છે. હું અહીં છું, એ મારા NCC અધિકારીઓ, મારા પરિવાર અને મારા મનોબળના લીધે છું.”
પદ્મા નામગેલની એવરેસ્ટ સર કરવાના સફર માત્ર પર્વતારોહણની સફળતા નથી, પણ આ એક યુવકના સપનાની સાકાર યાત્રા છે, જેમાં પ્રયત્ન, અભ્યાસ, સમર્પણ અને NCC દ્વારા મળેલી તકનો સંયમ છે. તેની સફળતા દરેક યુવાને પ્રેરણા આપે છે કે જો ધ્યેય સ્પષ્ટ હોય તો કોઈ પર્વત ઊંચો નથી.
